返工超閒, 無咩野做!! 好enjoy呢種feel。尋日同左幾個舊同事食飯, 第一次食個d用米磨成粉之後做粥水打邊爐, 幾特別, 食野既時候, 大家都係勁傾計, 講野大聲到振, 其實我已經發現左好多人昅住我地架啦, 不過我地係完全活係我地自己既世界, 嘈到爆!!
唉, 有幾個同事都走啦, 佢地走既時候都有問我, 幾時輪到我, 其實我又諗, 點解次次人地搵倒工既時候, 都會問呢一個問題既? 其實佢地走, 係咪即係代表呢間公司唔得呢? 呢個答案一直都唔知, 不過我覺得我個人暫時黎講都覺得ok, 同埋出到去真係搵唔返呢個人工架啦!! 對我黎講，而家呢份工又唔係好差同埋我又覺得比我儲多幾年錢啦，我自己會有決定既! 你地走左, 對我黎講都真係幾唔捨得, 不過, 我又覺得對我黎講呢份工都ok!! 人人為份工都係求個錢姐, right? 所以人地走既時候, 我都唔一定要走既!! 不過都好多謝佢地既關心!! 時機成熟我就有我既決定呢!!
最近公司既話題離唔開性呀, 結婚呀咁, 其實由入呢間公司開始, 對呢方面既認識真係多左好多, 真係要多謝咁多位既熟練同埋經驗之談, 人大左就會諗結婚生仔, 不過我個人就真係好怕生bb, 怕既程度可以講得想係我呢生人最驚既一樣野, 身邊既人都話如果無生個bb, 就唔係女人, 要經歷過呢種痛先稱得上係女人, 我明白, 我真係好想有自己既bb, 好想有一個好家庭, 不過我就係最怕生個一下, 可唔可以skip左呢一part, 我諗我到時可能有產前抑鬱症!! 哈哈! 身邊有幾位朋友都打算今年結婚, 好開心, 又覺得真係開始步入呢d階段啦, 越黎越老呢!!
我諗我都會積極迎戰每一項既挑戰既!! 同埋我都要祝外面世界大風大雨都勇於去衝既就黎走既同事順順利利, 前途一片光明, 特別係HELEN同埋亞女, 無左亞媽係身邊要識照顧自己, 好彩而家我有返個好幫手咋!! 要成日搵我地呀, 你地兩個野!! 唔知HELEN識用XANGA未呢!!
Chatboard (0)